Lionel Messi ayaa dharbaaxo aad u kulul kusoo dhuftey kooxda martida u ahayd ee uu hogaaamiyo tababarihiisii hore ee Guardiola markii 4-0 oo weliba isla isaga uu dhaliyey 3-kamida goolashaasi kaga soo badiyeen kulan kutirsanaa kulamadii sadexaad ee Group C.
Kulanka uu goolasha Saddexleeyda ka dhaliyey Lionel Messi ayaa waxaa labada dhinac laga saaray goolhaye Claudio Bravo, markii kubad uu gacanta ku taabtay isagoo dibada ka jooga xeradiisa, dhinaca kale 2 daqiiqo gudaheed ayuu daqiiqadii 73-aad kaarkii labaad ku qaatay Jeremy Mathieu oo daafacyada Barcelona katirsan, sidoo kale Rigoore lagu galay Messi waxaa qasaariyey Neymar hase yeeshee kadib ayuu awoodey inuu dhaliyo gool caadi ah kana dhigey natiijada 4-0
Dhinaca kale kooxda Germany ka dhisan ee Borussia Moenchengladbach ayaa dharbaaxo kusoo dhufatay kooxda Celtic oo ay Glasgow ku booqatay waxayna kaga soo badisey 2-0 waxaana goolasha u kala dhaliyey Lars Stindl iyo Andre Hahn.
Hadda Waxaa Groupkan C, hogaanka u heysa Barcelona oo 9-dhibic leh, Man City labaad 4 dhibic,Moenchengladbach 3 dhibic,halka Celtic ay ugu hooseyso 1 dhibic leedahay.
No comments:
Post a Comment