(Madrid) 28 Sebt 2016 Goolhayaha kooxda Real Madrid ee Keylor Navas ayaa qirtay in xalay uu sameeyay qalad kaas oo keenay in kooxda laga dhaliyo goolkii barbaraha.
Keylor Navas ayaa sheegay in qaladkaas uusan markale samayn doonin, wuxuuna ku dooday in kulankaan uu ahaa kiisii ugu horeeyay ee in mudo ah kadib uu u ciyaaro Real Madrid.
Kadib kulankii ku soo idlaaday 2-2, ayuu la hadlay saxaafada wuxuuna yiri:
“Waxaan sameeyay qalad wayn taasna waxay keentay goolkii barbaraha ee 1-1, waxaan ka shaqaynayaa in aanan markale samayn qaladkaas oo kale”.
“Waxaa haboon inaan iska hagaajino dhanka difaaca, waayo waxaa nalaga dhaliyay goolal badan kulamadii la soo dhaafay”.
Dhanka kale tababare Zidane ayaa wax caadi ah ka soo qaaday qaladkii uu sameeyay Keylor Navas kaas oo keenay in Aubameyang uu ka dhaliyo goolkii koowaad ee Borussia.
No comments:
Post a Comment