\
(Dortmund) 28 Sebt 2016 – Kooxaha Borussia Dortmund iyo Real Madrid ayaa xalay barbaro 2-2 ku kala baxay kulan ka tirsan Champions League, waxaana Borussia Dortmund labada gool u kala dhaliyey Aubameyang 43’daqiiqo iyo Schurrle 87’daqiiqo, halka kooxda Real Madrid ay labada gool u kala dhaliyeen Ronaldo 17’daqiiqo iyo Varane 68’daqiiqo.
Haddaba waxaan halkaan hoose idin ugu soo gudbinaynaa RIKOODHADII laga diiwaan geliyey kulankan:-
>- Cristiano Ronaldo ayaa gool ka dhaliyey kooxda Borussia Dortmund waxaana uu goolkaasi yahay kiisii 18-aad oo uu 16 Champions League kaga dhaliyey kooxaha Jarmalka ka dhisan isagoo ka tirsan Real Madrid.
>- Tan iyo markii uu bilowday xilli ciyaareedkii 2013-14-kii, Cristiano Ronaldo ayaa 45 gool ka dhaliyey Champions league waxaana uu 18 ka badan yahay ciyaaryahan waliba.
>- Sidoo kale goolkii xalay ee Cristiano Ronaldo waxa uu ahaa goolkiisii saddexaad oo isagoo marti u ah uu kaga dhaliyo Champions League kooxda Borussia Dortmund.
>- Pierre-Emerick Aubameyang ayaa dhaliyey 7 gool lixdii kulan ee ugu dambeeyey oo uu u ciyaaray kooxdiisa Borussia Dortmund.
>- Raphaël Varane ayaa dhaliyey goolkiisii ugu horreeyey Champions League 43 kulan oo uu saftay tartankan.
>- Goolhaye Keylor Navas ayaa sameeyey siddeed gool badbaadin kulankan ay ka horjeedeen Borussia Dortmund, waana in ka badan kulan waliba dhammaan kulamadii uu u ciyaaray tartammada oo dhan kooxdiisa Real Madrid.
>- Real Madrid ayaa hadda unbeaten ah oo aan laga adkaanin 23 kulan oo ay ciyaartay Champions League heerkiisa Guruubyada, 18 kulan guul ayey gaartay, halka 5 kulan ay barbaro gashay.
>- Luka Modrić ayaa xalay ciyaaray kulankiisii 50-aad ee Champions League… (42 kulan oo waxa uu u dheelay Real Madrid, halka 8 kulan uu Champions League u ciyaaray kooxdiisii hore ee Tottenham).
No comments:
Post a Comment